په متحده عربي اماراتو کې د ا.ا.ا. سفير مولوي بدرالدين حقاني د ياد هېواد لپاره د روسيې فدراسيون له سفير تيمور زابيروف سره وکتل. په دې کتنه کې د دواړو هېوادونو پر سياسي، اقتصادي او سيمهييزو اړیکو په پياوړتيا، د افغانستان ثبات، هوساينې، او د متقابل احترام پر بنسټ د همکاریو پر پراختيا خبرې وشوې. د روسيې سفير د افغانستان له امنيت او پرمختگ څخه ستاينه وکړه او هم يې د اسلامي امارت له رسميت پېژندلو وروسته د پراخو همکاریو هوډ څرگند کړ. افغان سفير د روسيې له مثبت دريځه مننه وکړه او ډاډ يې ورکړ چې اسلامي امارت به د سيمې د ثبات او گډو همکاریو لپاره خپلې هڅې دوامداره وساتي.
په ابوظبي کې د ا.ا.ا. سفير د روسیې له سفیر سره وکتل
