سفارت خپلو مراجعینو او هېوادوالو ته د پاسپورټونو، مدني وثائقو صادرولو، د اسنادو او وثائقو د تصدیقولو، د افغانستان ویزې، مدني او حقوقي چارو ته د رسېدنې، او په کوربه هېواد کې د مېشتو هېوادوالو له مشروع حقونو د ملاتړ او د پېښو او اړتیا پر مهال یې بیړنۍ مرستې او خدمتونه وړاندې کوي.

ځینې قونسلي خدمتونه ممکن مخکې له مخکې د لیدنې او ملاقات یا د خدمتونو ځانگړي مهالویش ته اړتیا ولري. غوښتونکو او مراجعینو ته سپارښتنه کیږي، چې له راتلو مخکې له سفارت سره اړیکه ونیسي او ځان ډاډمن کړي.

د اسنادو اړتیاوې د اړوندو خدمتونو تر ډول او بڼې پورې تړاو لري. غوښتونکی او مراجعه کوونکی باید له ځان سره د پېژندنې اصلي سند پاسپورټ/تذکره یا پېژندکارت ولري او د خپلې غوښتنې اړوند د ملاتړو اصلي اسناد شتون هم اړین دی.

د لارښوونو او سفارت د مرستې لپاره سملاسي له سفارت سره اړیکه وکړئ.

ځینې قونسلي خدمتونه اوسمهال د رسمي پلیټ فارمونو/ډیجیټل چینلونو له لارې شتون لري او د سفارت له پاڼې یې لارښوونې تر لاسه کېدلای شي. د پرلیکه/اون لاین قونسلي خدمتونو خبرتیاوې وخت په وخت د سفارت او د ا.ا.ا. بهرنیو چارو وزارت پر وېبپاڼو څارلی شئ.